Нежный Возраст, OOO

XXI Əsr Beynəlxalq Təhsil və İnnovasiya Mərkəzi (BTİM) 2001- ci ildə təsis edilmişdir və hal- hazırda Bakı şəhərinin ən qabaqcıl tədris mərkəzlərindən biridir. Mərkəzin müasir standartlara cavab verən maddi-texniki bazası, lisenziyalara malik olması sabitliyə və etibarlığa zəmanət verir. BTİM – in nəzdində məktəbəqədər təhsil (uşaq bağçası, məktəbəhazırlıq şöbəsi) və orta ümumtəhsil məktəbi günüuzadılmış iş rejimində fəaliyyət göstərir. Mərkəz həftənin 5 günü – saat 8:45 - dən 18:00 –a qədər işləyir. Bağçaya uşaqlar 3 yaşından qəbul edilir. Uşaqlar həkim – dietoloq tərəfindən təsdiq edilmiş menyuya əsasən gündə 4 dəfə qidalanır. Bağçanın tədris planına ingilis dili və məntiqi inkişaf etdirən müxtəlif fənlər daxil edilmişdir. Məktəbəhazırlıq şöbəsinə uşaqlar 5 yaşından qəbul edilirlər. Mərkəzdə tədris Azərbaycan, rus və ingilis dillərində aparılır. 15- ə yaxın ixtisaslaşdırılmış kurslar və dərnəklər fəaliyyət göstərir. Mərkəzin şagirdləri 5-ci sinifdən etibarən seçimə görə fransız, alman və ya ispan dilləri kurslarında iştirak edə bilərlər. BTİM – də aşağıdakı xidmətlər fəaliyyət göstərir : psixoloji, iaşə, tibbi, mühafizə və təhlükəsizlik, hüquqi və s. 2003- cü ildən etibarən tədris prosesində müəllifi Moskva şəhərinin Lomonosov məktəbinin elmi rəhbəri və təsisçisi p.e.n M.A. Ziganov olan “İntellekT” təhsil texnologiyası tətbiq edilmişdir. Bizim şagirdlər Beyəlxalq “İntellekT” Olimpiadasının iştirakçılarıdırlar. 2008-ci ildə BTİM Beynəlxalq Kembric ibtidai təhsil “CİPP” proqramının keçirilməsi haqqında lisenziya və orta təhsil üzrə Beynəlxalq “İGCSE” ümumi sertifikat almışdır. BTİM – də Kembric Beynəlxalq Mərkəzi AZ004 kodu altında fəaliyyət göstərir. 2010 – cu ildən isə Beynəlxalq “TOEFL İBT” imtahan mərkəzi fəaliyyətə başlamışdır. Həmçinin həftədə bir dəfə mərkəzdə sınaq imtahanları da keçirilir.